Bakıda döyüş tətbiqinə tam yararlı minaatan mərmisi aşkarlanıb

Bakı. 18 oktyabr. REPORT.AZ/ Bakı şəhərinin Sabunçu rayonunda döyüş sursatı aşkarlanıb.

“Report” Fövqəladə Hallar Nazirliyinin (FHN) rəsmi saytına istinadən xəbər verir ki, nazirliyin müvafiq qurumları hadisə yerinə cəlb olunublar və döyüş tətbiqinə yararlı olan 1 (bir) ədəd 50 millimetrlik minaatan mərmisi mütəxəssislər tərəfindən götürülüb.

Nazirliyin mütəxəssisləri hüquq-mühafizə orqanlarının əməkdaşları ilə birlikdə əraziyə əlavə baxış keçirib və başqa şübhəli əşya aşkar etməyiblər. Əməliyyat saat 11:25-də başa çatıb.