Yuxarı
    Bağlamaq

    Bakıdakı məşhur restoranda kütləvi dava baş verib, əraziyə çağırılan polislər xəsarət alıb

    Polis əməkdaşlarına da xəsarətlər yetirən  şəxslərin axtarışlarını davam etdirilir

    Bakı. 3 sentyabr. REPORT.AZ/ Bakının Binəqədi rayonu 7-ci mikrorayon ərazisində yerləşən "Oazis" restoranında kütləvi dava baş verib. Binəqədi rayon Polis İdarəsindən (RPİ) Report-a verilən məlumata görə, hadisə restoranın mühafizəçiləri ilə bura gələn qonaqlar arasında olub.

    Dava zamanı restoranın 3 əməkdaşı qonaqlar tərəfindən döyülüb. Döyülən şəxslər xəstəxanaya yerləşdirilib.

    Restoranda qarışıqlıq salan müştərilər onları sakitləşdirməyə çalışan polis əməkdaşlarına da xəsarətlər yetirəndən sonra ərazidən uzaqlaşıblar.

    Hadisə şahidlərinin sözlərinə görə mübahisəyə səbəb bir masada əyləşən içkili vəziyyətdə olan təxminən 9 nəfərin digər qonaqlara qarşı kobud rəftar etməsi olub. Bundan sonra restoranın mühafİçələrı həmin şəxslərə xəbərdarlıq etsələr də, qarşı tərəf onlara məhəl qoymayıb.

    Hadisə zamanı restorana da külli miqdarda maddi ziyan dəyib.

    Faktla bağlı Binəqədi RPİ-də araşdırma başlanıb.

    Hazırda polislər restoranda davaya səbəb olan şəxslərin axtarışlarını davam etdirir.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi