Yuxarı

Bakıdakı cəzaçəkmə müəssisəsində yanğın olub

Penitensiar Xidmətinin şəxsi heyətinə həyəcan siqnalı verilərək hazırlıq vəziyyətinə gətirilib

Bakı. 22 sentyabr. REPORT.AZ/ Ötən gecə Ədliyyə Nazirliyi Penitensiar Xidmətinin (PX)  Bakının Xətai rayonunun Əhmədli qəsəbəsində yerləşən 7 saylı cəzaçəkmə müəssisəsinin istehsalat sexində yanğın baş verib. Bu barədə “Report”a PX-nin İctimaiyyətlə əlaqələr şöbəsindən məlumat verilib. Hadisə ilə bağlı dərhal Fövqəladə Hallar Nazirliyinin  (FHN) Dövlət Yanğından Mühafizə Xidmətinə (DYMX) məlumat verilib. PX-nin şəxsi heyətinə həyəcan siqnalı verilərək hazırlıq vəziyyətinə gətirilib, lazımi qüvvələr yanğın yerinə cəlb olunub. Operativ olaraq hadisə yerinə gələn DYMX-nin yanğınsöndürmə dəstələri saat 23.15 radələrində yanğının söndürülməsinə nail olublar.

Hadisə vaxtı xəsarət alan olmayıb.

Fakt üzrə PX tərəfindən xidməti araşdırma, FHN tərəfindən isə təhqiqat aparılır.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi