Bakıda qadın sürücünun avtomaşınından oğurluq edən şəxs tutulub

Bakı. 12 sentyabr. REPORT.AZ/ Bakının Sabunçu rayonunda xanım sürücünun avtomaşınından oğurluq edilib. Report-un Daxili İşlər Nazirliyinin rəsmi saytına istinadən verdiyi məlumata görə hadisəni törətməkdə şübhəli bilinən Bakı şəhər sakini Həsən Abusəlimov Sabunçu Rayon Polis İdarəsinin (RPİ) 14-cü polis əməkdaşlarının keçirdikləri əməliyyat-axtarış tədbirləri nəticəsində saxlanılıb. Araşdırma zamanı onun iyulun 30-da Məlahət Muradovaya məxsus avtomobildən pəncərəni qırmaq yolu ilə 2 ədəd mobil telefon oğurladığı məlum olub.

Faktla bağlı Sabunçu RPİ-də araşdırmalar davam etdirilir.