Yuxarı
    Bağlamaq

    Bakıda oğrular ev sahibini döyüb

    Hadisəni törədənlər əvvəllər məhkum olub

    Bakı. 18 sentyabr. REPORT.AZ/ Bakıda mənzillərdən oğurluq edən iki nəfər saxlanılıb. “Report”un Daxili İşlər Nazirliyinin (DİN) saytına istinadən verdiyi məlumata görə, Binəqədi rayon Polis İdarəsinin (RPİ) 40-cı Polis Bölməsi əməkdaşlarının keçirdikləri əməliyyat-axtarış tədbirləri nəticəsində cinayətdə şübhəli bilinən Yevlax rayon sakinləri Asim Məmmədov və Ramin Bəkirov tutulub. Saxlanılan şəxslər Binəqədi rayonu Sulutəpə qəsəbəsində vətəndaş Yusif Ağagülovun yaşadığı evə pəncərədən girərək mənzildən 1420 manat və 100 dollar götürməkdə təqsirli bilinirlər.

    Hadisə zamanı oğrular səs-küyə gələn ev sahibi Y.Ağagülovla rastlaşdıqda yumruqla ona da xəsarət yetirdikdən sonra evi tərk ediblər.

    Araşdırma zamanı hadisəni törədən A.Məmmədov və R.Bəkirovun əvvəllər məhkum olunduqları da məlum olub.

    Faktla bağlı cinayət işi başlanılıb, istintaq davam edir.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi