Bakıda evdən qızıl əşyaları oğurlamış qadın tutulub

Bakı. 17 oktyabr. REPORT.AZ/ Bakıda qızıl əşyaları oğurlamaqda şübhəli bilinən qadın tutulub. Bu barədə “Report”a Bakı Şəhər Baş Polis İdarəsinin mətbuat xidmətindən bildirilib.

Məlumata görə, oktyabrın 10-da 2-ci Qəsəbə küçəsində yaşayan İlhamə Nəsirovanın evindən qızıl boyunbağı və üzük oğurlanıb.

Bir həftə sonra oğurluqda şübhəli bilinən Göyçay rayon sakini Milava Bağırova Xətai Rayon Polis İdarəsinin 34-cü Polis Bölməsinin əməkdaşları tərəfindən yaxalanıb.

Faktla bağlı araşdırma aparılır.