Yuxarı
    Bağlamaq

    Bakıda cibgirliklə məşğul olan dəstə saxlanılıb

    Onların hər birindən 10 qramdan artıq narkotik vasitə aşkar edilərək götürülüb

    Bakı. 1 oktyabr. REPORT.AZ/ Bakının Nəsimi rayonunda cibgirliklə məşğul olan 4 nəfər saxlanılıb. Bu barədə "Report"a Bakı Şəhər Baş Polis İdarəsinin mətbuat xidmətindən məlumat verilib.

    Nəsimi Rayon Polis İdarəsinin 22-ci Polis Bölməsinin keçirdiyi əməliyyat tədbirləri nəticəsində, əvvəllər məhkum olunan - İltifat Ağabalayev, Mahir Bədəlov, Məhəmməd Bağırov və Bisuddin Süleymanov tutulub. Onların hər birindən 10 qramdan artıq narkotik vasitə - tiryək aşkar edilərək götürülüb. Müəyyən olunub ki, onlar sentyabrın 17-də 28 May küçəsində yerləşən, Aygün Hacılıya məxsus ofisdən noutbuk, sentyabrın 27-də həmin küçədəki mebel mağazasında İlqar Niftəliyevin mobil telefonunu masanın üzərindən, pencəyinin cibindən isə içərisində şəxsiyyət vəsiqəsi, sosial və bankomat kartları olan pul kisəsini oğurlayıblar. Bundan başqa, dəstə üzvləri sentyabrın 29-da Puşkin küçəsində yerləşən mağazada Gülxara Niftiyevanın və Azadlıq prospektində yerləşən ticarət mərkəzində Ruhiyyə Aydınovanın əl çantalarından mobil telefonlarını ələ keçiriblər.

    Qeyd olunan faktlarla bağlı araşdırmalar aparılır.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi