Bakı. 30 iyun. REPORT.AZ/ “Azərkosmos” ASC, Ekologiya və Təbii Sərvətlər Nazirliyi ilə birgə "Azersky" peyki vasitəsilə Ermənistan tərəfindən törədilmiş yanğınların monitorinqini aparıb.
Qurumdan “Report”a verilən məlumata görə, yanğınlar, əsasən, cəbhənin Ağdam rayonu istiqamətində törədilib.
İyunun 29-da Ağdam rayonunun işğal altından olan yaşayış məntəqələri üzrə, ümumilikdə 280 hektar ərazinin yandığı aşkar edilib.
Hazırda monitorinqlər davam etdirilir.