“Azəristilik” QSC-yə məxsus binadan oğurluq olub.
“Report”un xəbərinə görə, hadisə Suraxanı rayon, Hövsan qəsəbəsi ərazisində baş verib.
Belə ki, qəsəbədə yerləşən QSC-yə məxsus binadan dəmir borular kəsilərək oğurlanıb.
Faktla bağlı Suraxanı Rayon Polis İdarəsinə müraciət edilib.
Keçirilən əməliyyat-axtarış tədbirləri zamanı oğurluq əməlinin bir qrup şəxs tərəfindən törədildiyi məlum olub. Məlumata görə, 1973-cü il təvəllüdlü Emin Ramazanov, 1975-ci il təvəllüdlü Vüqar Cənnətov, 1971-ci il təvəllüdlü Mahir İsmayılov, 1979-cu il təvəllüdlü Aydın Yəhyayev, 1965-ci il təvəllüdlü Zabil Baxşəliyev saxlanılıb.
Faktla bağlı araşdırmalar davam etdirilir.