Azərbaycanlı Sankt-Peterburqda həmvətəni tərəfindən bıçaqlanıb

Rusiyanın Sankt-Peterburq şəhərinin Nevski rayonunda həmvətəni ilə mübahisə zəminində xəsarət alan azərbaycanlı xəstəxanaya yerləşdirilib.

"Report" "Nevskie Novosti" qəzetinə istinadən xəbər verir ki, zərərçəkən ağır vəziyyətdə və qarın boşluğundan bıçaqla yaralanmış halda xəstəxanaya çatdırılıb.

Hadisəni törədən şəxs saxlanılıb. O, zərərçəkənin 18 yaşlı həmvətəni olub.

Fakt üzrə cinayət işi açılıb.