Yuxarı

Azərbaycanlı qadınları Türkiyəyə aparmaqda ittiham edilən şəxslər özlərini təqsirli bilməyiblər

Azərbaycanlı qadınları Türkiyəyə aparmaqda ittiham edilən şəxslər özlərini təqsirli bilməyiblər

Bakı. 3 avqust. REPORT.AZ/ Bakı Ağır Cinayətlər Məhkəməsində insan alverində təqsirləndirilən Xəyal Ələkbərov və Zəhra Quliyevanın cinayət işi üzrə məhkəmə iclası davam etdirilib.

"Report"un xəbərinə görə, hakim Mahmud Ağalarovun sədrliyi ilə keçirilən prosesdə dövlət ittihamçısı ittiham aktını elan edib.

İttiham aktına əsasən, təqsirləndirilən şəxslər qabaqcadan əlbir olan bir qrup şəxs halında bir neçə nəfər qadını Türkiyəyə aparıb.

Belə ki, 5 nəfər - Arzu Səmədova, Şəhanə Qədımova, Nərgiz Cəfərova, Ruhiyyə Alıyeva və Pərvanə Məmmədova (hamısının ad və soyadları şərtidir) təqsirləndirilən şəxslərin cinayət əməllərinin qurbanları olublar.

Cinayət materiallarında X.Ələkbərov və Z.Quliyevanın 5 nəfəri Türkiyəyə yüksək maaşla işləmək adı ilə apardıqları qeyd olunub. Həmin şəxsləri Türkiyədə Z.Quliyeva özü qarşılayıb. Onların xarici pasportunu alaraq qadınları cinsi istismara məruz qoyub və yaşadıqları evdə ayrı-ayrı şəxslərlə intim münasibətdə olmağa məcbur ediblər.

Məhkəmədə elan olunmuş ittiham üzrə X.Ələkbərov özünü təqsirli bilməyib. Deyib ki, zərərçəkmiş qadınları Türkiyəyə iş üçün göndərib.

Z.Quliyeva da özünü təqsirli bilmədiyini söyləyib.

Zərərçəkmiş şəxslər isə məhkəmə prosesində iştirak etməyiblər.

Məhkəmənin növbəti iclası avqustun 9-na təyin edilib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Tərəfdaşların xəbərləri


Xəbər lenti

Son xəbərlər



Orphus sistemi