Yuxarı

Rusiyada yaşayan azərbaycanlı törətdiyi cinayəti 20 ildən sonra etiraf edib

​Azərbaycanlı 20 il sonra cinayət törətdiyini etiraf edib

Altay Diyarı Komitəsinin müstəntiqləri 20 il əvvəl adam öldürməkdə günahlandırılan azərbaycanlı barəsində olan cinayət işinin istintaqını tamamlayıb.

"Report" Rusiya KİV-inə istinadən xəbər verir ki, Rusiyanın regionlarından birinin ərazisində saxlanılmış azərbaycanlı cinayət işinin istintaqı zamanı günahkar olduğunu etiraf edib.

İstintaqın məlumatına görə, 1999-cu ildə Barnaul şəhərində yeni il gecəsində azərbaycanlı paltar satıcısı ilə mübahisə edib, ardından onu bıçaqlayaraq hadisə yerindən qaçıb. Sonradan satıcı ölüb, azərbaycanlı isə axtarışa verilib.

Amma o, Qazaxıstanda vətəndaşlıq əldə edərkən şəxsi məlumatlarını tamamilə dəyişib və bu səbəbdən sonradan Rusiyaya sərbəst səfər etmək imkanı qazanıb.

Təqsirləndirilən şəxsin cinayət törətdiyini etiraf etməsindən sonra tamamlanmış istintaq materialları açılmış cinayət işi çərçivəsində məhkəməyə göndəriləcək.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi