Yuxarı

​Azərbaycanın Qərb və Qarabağ bölgələrinin polis orqanlarının xidmət üzrə rəis müavinlərinin iştirakı ilə müşavirə keçirilib

Nazir müavini hər bir əməkdaşdan təşəbbüskarlıq və konkret fəaliyyət tələb edib

Bakı. 24 noyabr. REPORT.AZ/ Gəncə Şəhər Baş Polis İdarəsində respublikanın Qərb və Qarabağ bölgələrinin ərazi polis orqanlarının xidmət üzrə rəis müavinlərinin, qeydiyyat və şəxsiyyət vəsiqəsi qurumları əməkdaşlarının iştirakı ilə növbəti zona müşavirəsi keçirilib. Bu barədə “Report”a Azərbaycan Daxili İşlər Nazirliyinin (DİN) mətbuat xidmətindən məluamt verilib.

Məlumata görə, cari ilin ötən dövründə aidiyyatı xidmət tərəfindən görülən işlərin, o cümlədən dekabr ayının 23-də keçiriləcək bələdiyyə seçkiləri ilə bağlı qarşıda duran vəzifələrin geniş müzakirə olunduğu tədbirdə respublika daxili işlər nazirinin müavini, polis general-mayoru İsmət Əliyev iştirak edib.

DİN-in Baş Pasport, Qeydiyyat və Miqrasiya İdarəsinin rəisi, polis general-mayoru Ərziman Əliyev, Qeydiyyat və şəxsiyyət vəsiqəsi şöbəsinin rəisi, polis polkovniki Gülşən Əhmədova xidməti fəaliyyədə buraxılmış nöqsanların aradan qaldırılması istiqamətində həyata keçirilən tədbirlər barədə məruzələrlə çıxış ediblər.

Daha sonra müxtəlif çıxışlar dinlənilib, mövzu ilə bağlı məsələlər barədə müzakirələr və fikir mübadiləsi aparılıb.

Tədbirə yekun vuran polis general-mayoru İsmət Əliyev son naziryanı əməliyyat müşavirəsində qeyd olunmuş nöqsan və çatışmazlıqların, polisin nüfuzuna və işgüzar imicinə xələl gətirən mənfi halların qısa zamanda aradan qaldırılmasının vacibliyini bildirib, qarşıda duran əsas vəzifələrdən danışıb.

Nazir müavini Azərbaycan Prezidenti İlham Əliyevin xidməti fəaliyyətin daha da təkmilləşdirilməsinə, vətəndaş məmnunluğunun təmin olunmasına dair tapşırıq və tövsiyyələrini xatırladaraq onların ən yüksək səviyyədə və layiqincə yerinə yetirilməsinin zəruriliyini vurğulayıb, bələdiyyə seçkilərinədək səsvermə hüququ olan bütün vətəndaşlara şəxsiyyəti təsdiqləyən sənədlərin verilməsinin, eyni zamanda, görülən işlər barədə ölkə ictimaiyyətini mütəmadi olaraq məlumatlandırılmasının əhəmiyyətini bildirib, bu sahədə hər bir əməkdaşdan təşəbbüskarlıq və konkret fəaliyyət tələb edib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi