Azərbaycanın Qərb bölgəsinə leysan yağış, dolu yağıb - FOTO - VİDEO - ƏLAVƏ OLUNUB

Azərbaycanın Qərb bölgəsinə leysan yağış, dolu yağıb - FOTO - VİDEO - ƏLAVƏ OLUNUB Video əlavə olunub.
Hadisə
227
28 May , 2019 23:02

Video əlavə olunub.


***21:57

Azərbaycanın Qərb bölgəsinə leysan yağış yağıb, dolu düşüb.

"Report"un Qərb Mərkəzinin məlumatına görə, günorta saatlarından başlayaraq Gəncə şəhəri, Daşkəsən, Göygöl, Şəmkir, Samux, Gədəbəy, Tovuz, Ağstafa və Qazax rayonunda güclü küləklə müşahidə olunan leysan yağış yağıb. Bununla yanaşı, Gəncə, Göygöl, Gədəbəy rayonlarına dolu düşüb. Təbii hadisə zamanı kənd təsərrüfatına, o cümlədən meyvə ağaclarına ziyan dəyib. Leysan yağışlar nəticəsində Gəncə şəhərində yollarda yaranmış sel suları avtomobillərin hərəkətində qismən çətinliklər yaradıb.

Tovuz, Ağstafa, Qazax rayonuna yağan güclü yağış səbəbindən Bakı-Qazax avtomagistral yolunun bu ərazidən keçən hissəsində nəqliyyat vasitələrinin hərəkətində qismən çətinliklər ortaya çıxıb.

Günorta saatlarında güclü yağış səbəbindən Göygöl rayonunda 2 nəfərin xəsarət alması ilə nəticələnən avtomobil qəzası baş verib.

Hazırda bölgədə şimşək çaxır, güclü külək əsir, yağıntılı hava şəraiti davam edir.

Son xəbərlər

Orphus sistemi