Yuxarı

Azərbaycanın güllələnmiş keçmiş daxili işlər nazirinin həyat yoldaşı vəfat edib

Ədilə Heydərova 30 ilə yaxın Azərbaycan Təhsil İşçiləri Azad Həmkarlar İttifaqının sədri işləyib

Bakı. 17 noyabr. REPORT.AZ/ Azərbaycanın kabinetində güllələnərək qətlə yetirilən keçmiş daxili işlər naziri general-leytenant Arif Heydərovun həyat yoldaşı Ədilə Heydərova dünyasını dəyişib. 

"Report" xəbər verir ki, Ə.Heydərova 80 yaşında vəfat edib. 

O, 30 ilə yaxın Azərbaycan Təhsil İşçiləri Azad Həmkarlar İttifaqının sədri işləyib. Yaşla əlaqədar 2006-cı ildə vəzifəsindən uzaqlaşıb. 

Qeyd edək ki, Azərbaycanda həmkarlar hərəkatının inkişafındakı xidmətlərinə görə Ədilə Xeyrulla qızı Heydərova 2005-ci ildə Prezident İlham Əliyevin sərəncamı ilə "Əməkdar mədəniyyət işçisi" fəxri adına layiq görülüb. Eyni zamanda, dövlət başçısı 2006-cı ildə ona Prezidentin fərdi təqaüdünün verilməsi haqqında sərəncam imzalayıb. 

Xatırladaq ki, Arif Heydərov 1970-ci ildən 1978-ci ilə qədər Azərbaycan SSR-nin daxili işlər naziri işləyib.1978-ci il iyunun 30-da A.Heydərov kabinetində güllələnərək qətlə yetirilib. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi