Azərbaycandan xarici valyutanın qanunsuz yolla çıxarılmasının qarşısı alınıb

Azərbaycandan xarici valyutanın qanunsuz yolla çıxarılmasının qarşısı alınıb Bakı. 5 fevral. REPORT.AZ/ Dövlət Gömrük Komitəsinin əməkdaşları xarici valyutanıN qanunsuz yolla ölkədən aparılmasının qarşısını alıblar.
Hadisə
1216
5 Fevral , 2019 10:32
Azərbaycandan xarici valyutanın qanunsuz yolla çıxarılmasının qarşısı alınıb

Bakı. 5 fevral. REPORT.AZ/ Dövlət Gömrük Komitəsinin əməkdaşları xarici valyutanıN qanunsuz yolla ölkədən aparılmasının qarşısını alıblar.

Komitədən “Report”a verilən məlumata görə, DGK-nın Enerji Resursları və Dəniz Nəqliyyatında Baş Gömrük İdarəsinin Əməliyyat və Təhqiqat şöbəsinə daxil olmuş əməliyyat məlumatına əsasən "Berkarar" Ro-Ro tipli gəmi vasitəsilə Türkmənistana getmək istəyən "Toyota Hilux" markalı nəqliyyat vasitəsinin sürücüsü və sərnişini Beynəlxalq Dəniz Ticarət Limanının Bakı terminalının ərazisində yerləşən gömrük postuna daxil olublar.

Gömrük sərhədini keçən zaman onlar üzərilərində 9 700 ABŞ dolları və 8 500 ABŞ dolları məbləğində valyutanı şifahi formada bəyan ediblər və bu məbləğlərdən əlavə valyutanın olmadığını bildiriblər.

Lakin, hər iki vətəndaşın hərəkətləri şübhə yaratdığı üçün gömrük yoxlamasının keçirilməsi zərurəti yaranıb. Yoxlama zamanı "Toyota Hilux" markalı nəqliyyat vasitəsinin sükanından aşağıda, zavod istehsalı quruluşuna aid çıxıntılı hissəsinin gözlə görünməyən arxa tərəfində, aşkar edilməni çətinləşdirən üsuldan istifadə etməklə gizlədilən və gömrük orqanına bəyan edilməyən 9 600 ABŞ dolları aşkarlanıb.

Faktla bağlı araşdırma aparılır.

Son xəbərlər

Orphus sistemi