Yuxarı

Azərbaycanda yeniyetmə çoban quldurların hücumuna məruz qalıb

Faktla bağlı Abşeron Rayon Polis İdarəsində araşdırma aparılır

Bakı. 6 oktyabr. REPORT.AZ/ Azərbaycanda yeniyetmə çoban quldurların hücumuna məruz qalıb.

“Report”un hüquq-mühafizə orqanlarından əldə etdiyi məlumata görə, hadisə Abşeron rayonu Müşfiqabad qəsəbəsi, Sevil massivində qeydə alınıb.

Orada yerləşən otlaq sahəsində çoban kimi fəaliyyət göstərən 1999-cu il təvəllüdlü Bərdə rayon sakini Hüseynov Cəmaləddin Əlipənah oğlu tanımadığı şəxslərin hücumuna məruz qalıb. Belə ki, 4 nəfər gələrək C.Hüseynovdan onlara otardığı quzulardan birini verməyi tələb edib. C.Hüseynov buna etiraz edən zaman, naməlum şəxslər çobanın əl-qolunu bağlayaraq onu döyməyə başlayıblar. Bundan sonra sürüdən 4 baş qoyun götürərək ərazini tərk ediblər.

Zərərçəkən C. Hüseynovun ifadəsinə görə, naməlum şəxslər qoyunları “VAZ 2106” və “VAZ 2107” markalı avtomobilə aparıblar. Lakin qaranlıq olduğundan və döyüldüyündən C. Hüseynov avtomobillərin dövlət qeydiyyat nişanını görə bilməyib.

Faktla bağlı Abşeron Rayon Polis İdarəsində (RPİ) araşdırma aparılır.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi