Yuxarı

Azərbaycanda sürücünü bıçaqla hədələyib maşınını alıblar

Həmin şəxslərin tapılması üçün əməliyyat-axtarış tədbirləri aparılır

Bakı. 10 yanvar. REPORT.AZ/ Bakı şəhər sakini Natiq İsayevi bıçaqla hədələyib idarə etdiyi maşını alan şəxslərin tapılması üçün əməliyyat-axtarış tədbirləri aparılır. "Report" Daxili İşlər Nazirliyinin (DİN) saytına istinadən xəbər verir ki, yanvarın 10-da paytaxtın Binəqədi qəsəbəsinin ərazisində şəxsiyyəti məlum olmayan 2 nəfər Bakı şəhər sakini Natiq İsayevin idarə etdiyi “VAZ-2107” markalı avtomobilə sərnişin qismində oturub Ələt qəsəbəsinə gedəcəklərini bildiriblər. Ələt qəsəbəsinin ərazisində onlar N.İsayevi bıçaqla hədələyərək avtomobili ondan alıb hadisə yerindən uzaqlaşıblar. Hazırda Qaradağ Rayon Polis İdarəsi tərəfindən əməliyyat-axtarış tədbirləri aparılır. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi