Yuxarı

Azərbaycanda orta məktəblərdən birinə ilanlar daxil olub - FOTO

Şagirdlər həyətdə dərs keçmək məcburiyyətində qalıblar

Bakı. 28 aprel. REPORT.AZ/ Goranboy rayonunun Xoylu kəndində orta məktəbin siniflərinə ilanlar daraşıb. “Report”un xəbərinə görə, 100-ə yaxın şagirdi olan kənd məktəbində bir neçə gündür ki, şagirdlər həyətdə dərs keçmək məcburiyyətində qalıblar. Məktəbdən bildirilib ki, problemlə bağlı Goranboy rayon Təhsil Şöbəsinə və aidiyyəti qurumlara dəfələrlə məlumat verilsə də, məsələnin həlli istiqamətində tədbir görülməyib.

Valideynlər bildirirlər ki, hər il məktəbin ərazisində və siniflərdə bir neçə dəfə ilan öldürüblər.

“Xoşbəxtlikdən məktəbdə hələ ki, şagirdlər arasında ilansancma hallarına rast gəlinməyib”, - valideynlərdən biri bildirib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi