Azərbaycanda külli miqdarda narkotik vasitə dövriyyədən çıxarılıb

Bakı. 16 yanvar. REPORT.AZ/ Azərbaycanda külli miqdarda narkotik vasitə dövriyyədən çıxarılıb.

"Report" Daxili İşlər Nazirliyinin (DİN) rəsmi saytına istinadən xəbər verir ki, Baş Mütəşəkkil Cinayətkarlıqla Mübarizə İdarəsi əməkdaşlarının həyata keçirdikləri əməliyyat-axtarış tədbirləri nəticəsində Gəncə şəhər sakini Qabil Məmmədovdan 3 kiloqram 120 qram marixuana götürülüb.

Baş Narkotiklərlə Mübarizə İdarəsi əməkdaşlarının həyata keçirdikləri digər  əməliyyat-axtarış tədbirləri nəticəsində Cəlilabad rayon sakini İlkin Əhədovdan 1 kiloqram 45 qram tiryək götürülüb.

Hər iki faktla bağlı araşdırma aparılır.