Azərbaycanda külli miqdarda aksiz markasız siqaretin realizə edilməsinin qarşısı alınıb

Bakı. 19 dekabr. REPORT.AZ/ Dövlət Gömrük Komitəsi (DGK)əməkdaşları aksiz markası ilə markalanmamış külli miqdarda siqaretin ölkə ərazisində realizə edilməsinin qarşısını alıblar. 

Bu barədə “Report”a DGK-dan məlumat evrilib.

Məlumata görə, Yevlax Gömrük İdarəsinin Gömrük hüquqpozmalarına qarşı mübarizə şöbəsinə daxil olan məlumat əsasında, "Mercedes Benz E220 CDİ" markalı avtomobil Bakı-Qazax yolunun Yevlax rayon ərazisindən keçən hissəsində saxlanılıb.

Yevlax Gomrük İdarəsində həmin nəqliyyat vasitəsinə baxış zamanı, avtomobilin yük yerində aksiz markasız cəmi 34 min 400 ədəd müxtəlif adda siqaret aşkar edilib.

Faktla bağlı araşdırma aparılır.