Azərbaycanda kişi arvadını zorlayıb - ƏLAVƏ OLUNUB

Bakı. 30 dekabr. REPORT.AZ/ Azərbaycanda gənc oğlan öz arvadını zorlayıb.

“Report”un xəbərinə görə, hadisə Qusar rayonunda baş verib.

Məlumata görə, rayon sakini 1996-ci il təvəllüdlü S.P. rayon prokuroroluğuna müraciət edərək həyat yoldaşı 1994-cü il təvəllüdlü S.M. tərəfindən işgəncələrə məruz qaldığını bildirib.

Qadın izahatında ərinin onu daim olaraq döydüyünü, zorla saçını kəsdiyini, bədənində siqaret kötüyü söndürdüyünü və onunla mütəmadi olaraq məcburən qeyri-təbii yolla cinsi əlaqədə olduğunu qeyd edib.

Faktla bağlı prokurorluqda araşdırma aparılır.