Yuxarı

Azərbaycanda dövlət qoruğundan tarixi eksponat oğurlanıb

Faktla bağlı Abşeron Rayon Polis İdarəsində araşdırma aparılır

Bakı. 30 avqust. REPORT.AZ/ Abşeron rayonunda oğurluq olub.

“Report”un xəbərinə görə, hadisə Mədəniyyət və Turizm Nazirliyinin “Yanardağ” dövlət tarix-mədəniyyət və təbiət qoruğunda qeydə alınıb.

Belə ki, həmin təbiət qoruğuna daxil olan “Əli daşı” pirindən tarixi eksponat oğurlanıb.

Faktla bağlı Abşeron Rayon Polis İdarəsində araşdırma aparılır.

Xatırladaq ki, Azərbaycan Respublikası Prezidentinin 2 may 2007-ci il tarixli sərəncamı ilə “Yanardağ” ərazisi dövlət tarix-mədəniyyət və təbiət qoruğu elan olunub. Qoruğun ərazisi isə 64,55 hektar təşkil edir. Bu əraziyə Qurd yuvası, min yaşı olan iki qəbiristanlıq ve qədim məscid, “Qotur su” bulağı, “Əli daşı”, Kardaşı, Qırməki vadisi və Yanardağ aiddir.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi