Azərbaycanda avtomat silahı 1000 manata satan şəxs tutulub

Bakı. 9 yanvar. REPORT.AZ/ Azərbaycanda avtomat silahı satan şəxs saxlanılıb.

"Report" DİN-ə istinadən xəbər verir ki, Baş Mütəşəkkil Cinayətkarlıqla Mübarizə İdarəsi və Qazax Rayon Polis Şöbəsinin əməkdaşlarının həyata keçirdikləri əməliyyat-axtarış tədbirləri nəticəsində Qazax rayon sakini Samir Zülfüqarov "AK" markalı silahı, patron darağını və 11 ədəd patronu 1000 manata satarkən tutulub.

Faktla bağlı araşdırmalar davam etdirilir.