Yuxarı
    Bağlamaq

    Azərbaycanda ana və azyaşlı qızı itkin düşüb

    Həyat yoldaşı Salyan Rayon Polis Şöbəsinə ərizə ilə müraciət edib

    Bakı. 9 sentyabr. REPORT.AZ/ Azərbaycanda ana və azyaşlı qızı itkin düşüb. Bu barədə "Report"a Daxili İşlər Nazirliyinin (DİN) mətbuat xidmətindən məlumat verilib.

    Belə ki, Salyan rayonunun I Varlı kənd sakini Aslan Əsədov 27.08.2015-ci il tarixdə Rayon Polis Şöbəsinə ərizə ilə müraciət edərək həyat yoldaşı, 02.06.1994-cü il təvəllüdlü Xanpəri Hüseynovanın azyaşlı qızı- 13.02.2015-ci ildə anadan olmuş Nuray Əsədovanı özü ilə götürüərək cari il avqustun 23-də saat 15.00-16.00 radələrində evdən xəbərsiz çıxaraq getdiklərini, bir daha geri qayıtmadıqlarını bildirib. Evdən çıxan zaman Xanpəri şəxsiyyət vəsiqəsini və uşağa aid geyim əşyalarını da götürüb.

    Xanpəri Hüseynovanın xarakterik əlamətləri aşağıdakılardır: Boyu təqribən 175 santimetr, orta bədən quruluşldur. Qara uzun saçlı, yumru sifətli, qara qalın qaşlı, gözlərinin rəngi qəhvəyidir, çənəsində qara xalı var. Əynində qara rəngli yubka və qara yay köynəyi, ayağında isə sabo olub.

    Xanpəri Hüseynovanı və qızı Nurayı görənlərdən və ya itkin düşmüş bu şəxslər haqqında hər hansı məlumatı olanlardan DİN-in "102" Xidmətinə, (050) 974-65-02, (050) 341-49-64 nömrəli mobil və (021) 255-51-83 nömrəli telefonlara zəng vuraraq məlumat vermələri xahiş olunur.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi