Yuxarı
    Bağlamaq

    Azərbaycanda ailə münaqişəsi zəminində törədilən cinayətlərin sayı açıqlanıb

    Cinayətlərin yarıdan çoxu Bakı şəhərinin payına düşür

    Bakı. 16 sentyabr. REPORT.AZ/ "Bu ilin birinci yarısında ailə münaqişəsi zəminində respublika üzrə 392 cinayət törədilib və bunun 198-i Bakı şəhərində baş verib".

    Daxili İşlər Nazirliyinin (DİN) mətbuat xidmətindən "Report"a verilən məlumata görə, bu barədə nazirliyin Baş İctimai Təhlükəsizlik İdarəsinin rəis müavini, polis polkovnik-leytenantı Hikmət Eyvazov bildirib.

    Onun sözlərinə görə, göstərilən dövr ərzində ölkə üzrə profilaktik qeydiyyata götürülən 3 344 münaqişəli ailənin 510-u Bakı şəhərinin payına düşür.

    Xatırladaq ki, bu gün Nərimanov Rayon Polis İdarəsində "Məişət zorakılığının qarşısının alınması haqqında" qanunun və "Ailə-məişət münaqişələri zəminində törədilən cinayətlərin qarşısının alınması sahəsində görülən işlərin vəziyyəti haqqında" DİN-in müvafiq kollegiya qərarının icrası məqsədilə paytaxtın rayon polis idarə və şöbələrinin bayır və ictimai təhlükəsizlik xidmətlərinin məsul əməkdaşlarının iştirakı ilə növbəti zona seminar-müşavirəsi keçirilib. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi