Azərbaycanda 53 yaşlı qadını avtomobil vurub

Bakı. 26 sentyabr. REPORT. AZ/ Cəlilabadda yolu keçmək istəyən qadını avtomobil vurub. "Report" xəbər verir ki, ötən axşam rayonun Zopun kənd sakini, Aqşin Tərlan oğlu Quliyev idarə etdiyi "VAZ-2106" markalı avtomobillə hərəkətdə olarkən yolu keçmək istəyən 1962-ci il təvəllüdlü Məhparə Xanoğlan qızı Abdullayevanı vurub. Müxtəlif dərəcəli bədən xəsarətləri alan qadını sürücü öz maşını ilə dərhal Cəlilabad rayon mərkəzi xəstəxanasına çatdırıb. Yaralıya xəstəxanada ilk tibbi yardım göstəriləndən sonra vəziyyəti ağır olduğundan o, paytaxt xəstəxanalarından birinə göndərilib.

Faktla bağlı Cəlilabad rayon Polis şöbəsində araşdırma aparılır.