Yuxarı
    Bağlamaq

    Azərbaycanda 5-dən artıq yanacaqdoldurma məntəqəsinə basqın edən şəxs tutulub

    O, eyni yanacaqdoldurma məntəqəsinə iki dəfə hücum edib

    Bakı. 15 yanvar. REPORT.AZ/ Daxili İşlər Nazirliyi (DİN) Masallı rayonunda yanacaqdoldurma məntəqəsinə edilən hücumla bağlı rəsmi məlumat yayıb. “Report” DİN-in rəsmi saytına istinadən xəbər verir ki, yanvarın 14-də saat 5 radələrində Masallı rayonunun Sərçuvar kəndində yerləşən “Sərçuvar Petrol” yanacaqdoldurma məntəqəsinə gəlmiş naməlum şəxs orada işləyən Rafiq Qafarovu və Nağı Həsənovu hədələyib tüfəngdən havaya atəş açaraq pul vermələrini tələb edib, istədiyinə nail ola bilmədiyindən hadisə yerini tərk edib.

    Masallı Rayon Polis Şöbəsi (RPŞ) əməkdaşlarının həyata keçirdikləri əməliyyat-axtarış tədbirləri nəticəsində hadisəni törətmiş rayon sakini Cəlal Cəlalzadə tutulub, hadisəni törədərkən istifadə etdiyi “İJ -58” markalı tüfəng götürülüb.

    Ətrafında aparılmış əməliyyat tədbirləri ilə onun ötən il dekabrın 12-də “Sərçuvar Petrol”, dekabrın 22-də Cəlilabad rayonundakı “Alpetrol”, bu il yanvarın 4-də Camaləddin Heydərova məxsus yanacaqdoldurma məntəqələrindən, habelə ötən il dekabr ayının 29-da Təzə Alvadı kəndində Mürvət Əhədova məxsus yanacaq doldurma məntəqəsindən quldurluq yolu ilə 470 manat pul, dekabr ayının 6-da Cəlilabad rayonunun Muğan kəndində “Smirs” yanacaq doldurma məntəqəsində oranın işçisi Orxan Bədəlova tüfəngdən açdığı atəşlə xəsarət yetirib 2630 manat pul aparması da müəyyən edilib.

    Masallı RPŞ tərəfindən araşdırmalar davam etdirilir.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi