Yuxarı
    Bağlamaq

    Azərbaycan təhsil nazirinin keçmiş müavini 90 yaşında vəfat edib

    Ənvər Nəzərli Şamaxı rayonunda dəfn olunub

    Bakı. 14 iyul. REPORT.AZ/ Azərbaycan təhsil nazirinin keçmiş müavini, pedaqoq, şair, ictimai xadim Ənvər Nəzərli 90 yaşında vəfat edib.

    “Report” xəbər verir ki, Ə.Nəzərli doğulduğu Şamaxı rayonunda dəfn olunub. 

    Qeyd edək ki, Ənvər Əşrəf oğlu Nəzərli 1926-cı il yanvar ayının 13-də Şamaxı şəhərində anadan olub. O, Azərbaycan Dövlət Universitetində (indiki Bakı Dövlət Universiteti) təhsil alıb. Ağsu rayonunun Gədəli kəndində, Bakının Kürdəxanı və Maştağa qəsəbələrində müəllim, Azərbaycan Kommunist Partiyası Mərkəzi Komitəsində təlimatçı, Şəki Şəhər Partiya Komitəsinin ikinci katibi, Azərbaycan SSR ali və orta ixtisas təhsili nazirinin müavini vəzifələrində çalışıb.

    Ə.Nəzərli bir sıra şeir kitablarının müəllifidir. O, “Xalqlar dostluğu” və “Şərəf” nişanı ordenləri ilə təltif edilib. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi