Azərbaycan gömrükçüləri İrandan qanunsuz gətirilən psixotrop maddə aşkar ediblər

Azərbaycan gömrükçüləri İrandan qanunsuz gətirilən psixotrop maddə aşkar ediblər Faktla bağlı araşdırma aparılır
Hadisə
12 Avqust , 2016 14:27
Azərbaycan gömrükçüləri İrandan qanunsuz gətirilən psixotrop maddə aşkar ediblər

Bakı. 12 avqust. REPORT.AZ/ Dövlət Gömrük Komitəsi (DGK) Astara Gömrük İdarəsinin gömrük hüquqpozmalarına qarşı mübarizə şöbəsinə daxil olmuş əməliyyat məlumatı əsasında, İrandan Azərbaycana piyada gələn Azərbaycan vətəndaşı saxlanılıb və üzərində şəxsi yoxlama aparılıb. Bu barədə “Report”a DGK-nın mətbuat xidmətindən məlumat verilib.

Yoxlama zamanı, vətəndaşa məxsus iki ədəd polietilen konfet paketlərində, konfetlərlə birlikdə doğranmış formada konfet kağızlarına bükülü 500 həb, şalvarının bel hissəsində 20 həb və corabının altında 170 həb olmaqla, cəmi 690 ədəd güclü təsiri olan “Tramadol” tibbi preparatı aşkar olunaraq götürülüb.

Məlumat üçün bildiririk ki, “Tramadol” adlı dərman preparatı Azərbaycanda 18 mart 2016-cı ildən "Güclü təsir edən maddələrin Siyahısı"na daxil edilib və aşkar olunan 690 həbdə tramadoloun təsiredici maddəsinin ümumi miqdarı 138 qram olub.

Faktla bağlı araşdırma aparılır. 

Son xəbərlər

Orphus sistemi