Yuxarı
    Bağlamaq

    Azərbaycan FHN-i Avstriyanın DİN-i ilə Qəbələdə birgə təlimlər keçirir

    Təlimlər fevral ayının 19-dək davam edəcək

    Bakı. 13 fevral. REPORT.AZ/ Azərbaycan Fövqəladə Hallar Nazirliyi (FHN) və Avstriya Respublikası Federal Daxili İşlər Nazirliyi (DİN) arasında əməkdaşlıq çərçivəsində fevralın 12-dən Qəbələ rayonu ərazisində qar uçqunlarında axtarış-xilasetmə, həmçinin xizəksürmə hazırlığı üzrə təlimlərə başlanılıb.

    FHN-in mətbuat xidmətindən "Report"a verilən məlumata görə, təlimlərə nazirliyin Şimal-qərb Regional Mərkəzinin, Xüsusi Riskli Xilasetmə Xidmətinin və Naxçıvan Muxtar Respublikasının Fövqəladə Hallar Nazirliyinin xilasediciləri cəlb olunublar. Təlim iştirakçılarına avstriyalı mütəxəssislər tərəfindən qar uçqunları altında qalanların axtarışı və xilas edilməsi, ekstremal şəraitdə davranış və dağ relyeflərində xizəksürmə üzrə hazırlıq məşqləri keçiriləcək.

    Təlimlər fevral ayının 19-dək davam edəcək. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi