Yuxarı

Azərbaycan DİN və Baş Prokurorluq birgə məlumat yayıb

Qaxda 8 ay əvvəl törədilən ağır cinayətin üstü açılıb

Bakı. 9 dekabr. REPORT.AZ/ Azərbaycan Daxili İşlər Nazirliyi (DİN) və Respublika Baş Prokurorluğu birgə məlumat yayıb. DİN-in mətbuat xidmətindən "Report"a verilən məlumata görə, respublikanın daxili işlər və prokurorluq orqanları əməkdaşlarının həyata keçirdikləri istintaq-əməliyyat tədbirləri nəticəsində daha bir ağır cinayətin üstü açılıb və həmin cinayəti törətməkdə şübhəli bilinən şəxs yaxalanaraq istintaqa təhvil verilib.

Məlumatda bildirilir ki, bu il aprelin 14-də Qax rayon sakinləri Besarion və İase Rostiaşvili qardaşlarının yaşadıqları mənzillərdə üzərlərində zorakılıq əlamətləri olan meyitləri aşkar edilib. Faktla bağlı Cinayət Məcəlləsinin 120.2.7-ci (iki və daha çox şəxsi öldürmə) maddəsi ilə cinayət işi başlanılıb. Aparılmış tədbirlərlə qətlin Qax rayon sakini Vasif Mustafayev tərəfindən tamah məqsədi ilə törədildiyi müəyyənləşdirilib.

Araşdırmalarla o da müəyyən edilib ki, hadisədən bir neçə gün əvvəl qardaşlar özlərinə məxsus torpaq sahəsini 18 min manata satıblar. Bu alqı-satqı əməliyyatından xəbər tutan V.Mustafayev həmin vəsaiti ələ keçirmək üçün onları qətlə yetirməyi planlaşdırıb və cinayətkar niyyətini aprelin 14-də həyata keçirib.

Hazırda cinayət işi üzrə zəruri istintaq və əməliyyat-axtarış tədbirləri davam etdirilir.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi