Yuxarı

Azərbaycan DİN: BMCMİ-nin rəisi vəzifəsinə Musa Musayev deyil, Seyfulla Əzimov təyin olunub

Azərbaycan Daxili İşlər Nazirliyi kadr dəyişiklikləri ilə bağlı açıqlama verib

Bakı. 4 noyabr. REPORT.AZ/ Azərbaycan Daxili İşlər Nazirliyi (DİN) kadr dəyişiklikləri ilə bağlı açıqlama verib.

DİN-in mətbuat xidmətindən “Report”un sorğusuna cavab olaraq bildirilib ki, daxili işlər naziri Ramil Usubovun əmri ilə Bakı şəhər Baş Polis İdarəsinin (BŞBPİ) rəisi general-mayor Rafiq Abbasov vəzifəsindən azad edilərək DİN-in Baş Kadrlar İdarəsinin rəisi təyin olunub.

Baş Mütəşəkkil Cinayətkarlıqla Mübarizə İdarəsinin (BMCMİ) rəisi general-mayor Mirqafar Seyidov vəzifəsindən azad edilərək BŞBPİ-nin rəisi vəzifəsinə təyin olunub.

Nazir Ramil Usubovun digər bir əmri ilə Quba Rayon Polis Şöbəsinin rəisi Seyfulla Əzimov BMCMİ-yə rəis təyin olunub.

Nəsimi Rayon Polis İdarəsinin (RPİ) rəisi Musa Musayev isə “Report”a açıqlamasında yeni vəzifə təyinatı almadığını və hazırda iş yerində olduğunu bildirib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi