Yuxarı

Azərbaycanda qadına qarşı soyğunçuluq edilib

19 yaşlı Ucar rayon sakini Vüsal Bağırlı saxlanılıb

Bakı. 27 oktyabr. REPORT.AZ/ Azərbaycanın Abşeron rayonunda qadına qarşı soyğunçuluq edilib. Bu barədə “Report”a Abşeron Rayon Polis Şöbəsindən (RPŞ) məlumat verilib.

Belə ki, Xırdalan şəhərində naməlum şəxs Sona Dadaşovanın çantasını zorla əlindən alaraq qaçıb.

Hadisəni törətməkdə şübhəli bilinən 19 yaşlı Ucar rayon sakini Vüsal Bağırlı saxlanılıb. V.Bağırlı ifadəsi zamanı bir neçə gün əvvəl fəhlə işlədiyi tikintidən işdən çıxarıldığını və yeni iş tapmaq əvəzinə soyğunçuluq etməyə qərar verdiyini deyib.

Onun alıb qaçdığı çantadan isə yalnız 3 manat  məbləğində pul çıxıb.

Faktla bağlı Abşeron RPŞ-də araşdırma aparılır.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi