Yuxarı

​AXCP Rəyasət Heyətinin üzvünün cəzası azaldılıb

Hakim onun cəzasını 1 il 6 ay azaldaraq 6 ilə endirib

Bakı. 4 may. REPORT. AZ/ Ali Məhkəmədə Azərbaycan Xalq Cəbhəsi Partiyasının (AXCP) Rəyasət Heyəti üzvü Asif Yusiflinin kassasiya şikayətinə baxılıb.

"Report"un məlumatına görə, məhkəmə şikayəti qismən təmin edib və onun cəzasını 1 il 6 ay azaldaraq 6 ilə endirib.

Qeyd edək ki, Asif Yusifli 2014-cü ilin noyabrında həbs edilib. Daxili İşlər Nazirliyinin yaydığı məlumata görə, o, Fəridə Zülfüqarovanın 7700 manatının dələduzluq yolu ilə ələ keçirib. Faktı üzrə Baş Mütəşəkkil Cinayətkarlıqla Mübarizə İdarəsində başlanmış cinayət işi üzrə istintaqdan yayınan Bakı şəhər sakini A.Yusifov saxlanılıb.

O, Cinayət Məcəlləsinin 178.3.2-ci (külli miqdarda ziyan vurmaqla törədilən dələduzluq) maddəsi ilə ittiham olunub.

2015-ci il iyulun 30-da Bakı Ağır Cinayətlər Məhkəməsinin hökmü ilə A.Yusifli 7 il 6 ay müddətinə azadlıqdan məhrum edilib.

Hökmdən narazı qalan A.Yusifli apellyasiya şikayəti verib. Bakı Apellyasiya Məhkəməsi birinci instansiya məhkəməsinin çıxardığı hökmü qüvvədə saxlayıb. Daha sonra kassasiya şikayəti ilə Ali Məhkəməyə müraciət edib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi