Yuxarı

“Auto Azerbaijan” şirkəti Dənizkənarı Bulvar İdarəsini məhkəməyə verib

MMC borcun ödənilməsini tələb edir

Bakı. 9 noyabr. REPORT.AZ/ “Auto Azerbaijan” MMC Azərbaycan Nazirlər Kabineti yanında Dənizkənarı Bulvar İdarəsi, Dənizkənarı Bulvar İdarəsinin Kommunal xidmət, təmir və dənizkənarı bulvar ərazisinin mühafizəsi müəssisəsini məhkəməyə verib.

"Report"un məlumatına görə, 1 saylı Bakı İnzibati-İqtisadi Məhkəməsinə müraciət edən MMC müqavilə üzrə yaranmış borcun ödənilməsi barədə tələb irəli sürüb.

İddia olunan borcun məbləği açıqlanmır.

Məhkəmə işin aidiyyəti üzrə göndərilməsi barədə ərizənin təmin olunmaması ilə bağlı qərardad çıxarıb.

Cavabdeh tərəf isə həmin qərardaddan apellyasiya şikayəti verib. Bakı Apellyasiya Məhkəməsi də qərardadı dəyişdirmədən saxlayıb.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Bu bölməyə aid digər xəbərlər

Digər xəbərlər>

Xəbər lenti

Bütün xəbərlər


Orphus sistemi