Yuxarı
    Bağlamaq

    ​“Atəşgah Sığorta”ya qarşı apellyasiya şikayətinə baxılıb

    Qətnamə iddianın təmin edilməsi hissəsində ləğv edilib

    Bakı. 11 noyabr. REPORT.AZ/ Bakı Apellyasiya Məhkəməsində "Atəşgah Sığorta" Məhdud Məsuliyyətli Cəmiyyətinin (MMC) "Bakı Fındıq Emalı" MMC-yə qarşı apellyasiya şikayəti üzrə məhkəmə işi başa çatıb.

    "Report"un məlumatına görə, hakim Sərvət Hüseynovun sədrliyi ilə keçirilən iclasda qərar çıxarılıb. Qərara əsasən, qətnamə iddianın təmin edilməsi hissəsində ləğv edilib, həmin hissədə iddia qismən təmin edilib, qalan hissədə isə təmin edilməyib.

    Qeyd edək ki, bu il "Bakı Fındıq Emalı" "Atəşgah Sığorta" şirkətini məhkəməyə verib. 1 saylı Bakı İnzibati-İqtisadi Məhkəməsinə müraciət edən "Bakı Fındıq Emalı" müqavilənin ləğv edilməsi, sığorta haqqının qaytarılması, zərərin əvəzinin cavabdehdən tutulması barədə tələb irəli sürüb. Məhkəmə iddianı qismən təmin edib. Qərardan narazı qalan sığorta şirkəti isə apellyasiya şikayəti verib.  

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi