Astarada saxlanılan şəxslərdən narkotik vasitə və saxta pul götürülüb

Astarada saxlanılan şəxslərdən narkotik vasitə və saxta pul götürülüb Astara Rayon Polis Şöbəsinin əməkdaşlarının keçirdiyi əməliyyat-axtarış tədbirləri nəticəsində narkotik vasitələrin qanunsuz dövriyyəsi ilə məşğul olan rayon sakinləri Orxan İbrahimov və Sədi Məmmədov saxlanılıb.
Hadisə
4938
13 Yanvar , 2021 15:06
Astarada saxlanılan şəxslərdən narkotik vasitə və saxta pul götürülüb

Video əlavə olunub

13:35

Astara Rayon Polis Şöbəsinin əməkdaşlarının keçirdiyi əməliyyat-axtarış tədbirləri nəticəsində narkotik vasitələrin qanunsuz dövriyyəsi ilə məşğul olan rayon sakinləri Orxan İbrahimov Sədi Məmmədov saxlanılıb.

“Report”un Cənub Mərkəzinin verdiyi məlumata görə, onların hər ikisinin üzərindən narkotik vasitə heroin aşkarlanaraq götürülüb.

Əməliyyat tədbirləri ilə onlara narkotik vasitəni satan şəxsin Astara şəhər sakini İmran Məmmədov olduğu müəyyən edilib və o, saxta 100 ABŞ dollarını satarkən saxlanılıb. İmran Məmmədovun üzərindən və yaşadığı evdən ümumilikdə 810 qram narkotik vasitə qurudulmuş marixuana, 74 qram psixotrop maddə metamfetamin,13 ədəd 100 ABŞ dolları, 2 ədəd 100 manatlıq, 6 ədəd 50 manatlıq, 20 ədəd 20 manatlıq saxta pul əsginasları və 1 ədəd gecəgörmə cihazı aşkar edilərək götürülüb.

Faktla bağlı Astara RPŞ-də araşdırma aparılır.

Son xəbərlər

Orphus sistemi