Yuxarı

Astarada ər və arvadı sakitləşdirmək istəyən qonşu bıçaq xəsarəti alaraq ölüb - FOTO - VİDEO

Astarada ər və arvadı sakitləşdirmək istəyən qonşu bıçaq xəsarəti alaraq ölüb - FOTO - VİDEO
Ərçivan kəndində törədilən qətl hadisəsinin təfərrüatları məlum olub
© Foto: Report.az

Astara. 14 sentyabr. REPORT.AZ/ Bu gün axşam saatlarında Astara rayonunun Ərçivan kəndində törədilən qətl hadisəsinin təfərrüatları məlum olub.

"Report"un Cənub bürosu xəbər verir ki, hadisə ailə münaqişəsi zəminində baş verib.

Yerli sakinlərin bildirdiklərinə görə, 1969-cu il təvəllüdlü Rəhimov Əfqan Tariel oğlu ailə münaqişəsi zəminində 1968-ci il təvəllüdlü həyat yoldaşı Rəhimova xanım Yədullah qızı ilə mübahisə edib. Bu zaman səsə qonşuluqda yaşayan 1985-ci il təvəllüdlü Kərimov Ağarəhim Əbdülrəhim oğlu gəlib. Gənc oğlan ər və arvadı sakitləşdirmək istəyərkən kişi əvvəlcə qadını, daha sonra Ə.Rəhimovu bıçaqlayıb.

Yaralıların hər ikisi Astara Rayon Mərkəzi Xəstəxanasına çatdırılsa da, döş qəfəsindən vurulan A.Kərimovun həyatını xilas etmək mümkün olmayıb.

Polis tərəfindən aparılan əməliyyat tədbirləri nəticəsində qətli törədən şəxs saxlanılıb.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Tərəfdaşların xəbərləri


Xəbər lenti

Son xəbərlər



Orphus sistemi