Yuxarı

Astarada balıq tutarkən elektrik cərəyanı vuran şəxs ölüb

Astarada balıq tutarkən elektrik cərəyanı vuran şəxs ölüb
Faktla baölı araşdırma aparılır

Bakı. 5 noyabr. REPORT.AZ/ Ötən gün Astara rayonunun Şiyəkəran kəndində nohurdan balıq tutarkən elektrik enerjisi vuran şəxs Bakıdakı klinikalardan birində dünyasını dəyişib.

"Report"un Cənub bürosunun verdiyi xəbərə görə, kənd sakini 49 yaşlı Rahim Baladadaş oğlu İmanov Lənkəran Rayon Mərkəzi Xəstəxanasının reanimasiya şöbəsində həkimlərin ilkin tibbi müdaxiləsindən sonra Bakı şəhərinə göndərilib. Göstərilən yardımlara baxmayaraq R.İmanov klinikada dünyasını dəyişib. 

Mərhumun meyiti Məhkəmə Tibbi Ekspertiza və Pataloji Anatomiya Birliyinin Lənkəran şöbəsinə gətirilib. Faktla bağlı Astara Rayon Prokurorluğu araşdırmaları davam etdirir.

Xatırladaq ki, R.İmanov əlindəki qırmaqla nohurdan balıq tutmaq istəyərkən ehtiyatsızlıqdan su hövzəsinin yaxınlığında, yerdən bir neçə metr aralı olan yüksək gərginlikli elektrik xəttinə toxunub. Qırmağın yüksək cərəyanı onun bədəninə ötürməsi nəticəsində R.İmanov yanıq xəsarətləri alıb.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Tərəfdaşların xəbərləri


Xəbər lenti

Son xəbərlər



Orphus sistemi