Yuxarı
    Bağlamaq

    AŞPA prezidenti İlqar Məmmədovla görüşüb

    Görüş 2 saylı Cəzaçəkmə Müəssisəsində keçirilib

    Bakı. 1 mart. REPORT.AZ/ Avropa Şurası Parlament Assambleyasının (AŞPA) prezidenti Pedro Aqramunt Bakıya səfəri çərçivəsində həbsdə olan “REAL” Hərəkatının sədri İlqar Məmmədovla görüşüb.

    “Report”un xəbərinə görə, bu barədə AŞPA prezidentinin rəsmi "Twitter" səhifəsində məlumat yer alıb.

    Qeyd edək ki, İ.Məmmədov 2013-cü il yanvar ayının 24-də İsmayıllıda baş vermiş kütləvi iğtişaşların təşkilində ittiham olunaraq həbs olunub. Şəki Ağır Cinayətlər Məhkəməsinin hökmü ilə İ.Məmmədov 7 il müddətinə azadlıqdan məhrum edilib. Hökmdən narazı qalan İ.Məmmədov apellyasiya şikayəti ilə Şəki Apellyasiya Məhkəməsinə müraciət edib. Məhkəmə apellyasiya şikayətlərini təmin etməyib. Bundan sonra İ.Məmmədov kassasiya şikayəti verib. Ali Məhkəmə kassasiya şikayətinə baxaraq işi təkrar baxılması üçün Şəki Apellyasiya Məhkəməsinə göndərib.

    O, həbs cəzasını 2 saylı Cəzaçəkmə Müəssisəsində çəkir.

    Xatırladaq ki, AŞPA prezidentinin Bakıya səfəri fevralın 29-da başlayıb.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi