Yuxarı
    Bağlamaq

    ANAMA 1 ədəd 152 mm-lik top mərmisini zərərsizləşdirib

    Bu gün 3 000 kv. m ərazi yoxlanıb

    Bakı. 29 aprel. REPORT.AZ/ Azərbaycan Respublikası Ərazilərinin Minalardan Təmizlənməsi üzrə Milli Agentlik (ANAMA) Tərtər, Goranboy, Füzuli, Ağdam və Samux rayonlarında aşkar olunan partlamamış hərbi sursatlar (PHS) haqqında hesabat təqdim edib.

    "Report"un xəbərinə görə, bu barədə ANAMA-nın mətbuat xidməti məlumat yayıb.

    Məlumatda qeyd olunub ki, aprelin 29-da Agentlik tərəfindən 10 ev, 12 partlayış yeri yoxlanılıb, 1 ədəd partlamamış hərbi sursat zərərsizləşdirilib və 3 000 kv. m ərazi yoxlanılıb.

    Tərtər rayonu

    Tərtər şəhəri - 1 ev və həyətyanı sahədə 1 partlayış yerinə baxış keçirilib nəticə etibarilə 2 000 kv.m. ərazi yoxlanılıb.

    Cəmi: 1 ev və həyətyanı sahə, 1 partlayış yeri, 2 000 kv.m. ərazi yoxlanılıb.

    Ağdam rayonu

    Əfətli kəndi – 1 ev və həyətyanı sahədə 1 partlayış yerinə baxış keçirilib, 1 ədəd 152 mm-lik top mərmisi aşkar olunaraq zərərsizləşdirilib, nəticə etibarı ilə 1 000 kv.m. ərazi yoxlanılıb.

    Cəmi: 1 partlayış yeri, 1 ədəd partlamamış hərbi sursat, 1 000 kv.m ərazi yoxlanılıb.

    Ağcabədi rayonu

    Qaraxanlı kəndi - 8 ev və həyətyanı sahədə 10 partlayış yerinə baxış keçirilib, partlamamış hərbi sursat aşkar edilməyib. (DİN-nin “102” Xidmət Mərkəzinin məlumatı)

    Cəmi: 8 ev və həyətyanı sahə, 10 partlayış yeri yoxlanılıb.

    Ümumilikdə Agentlik tərəfindən 7-29 aprel 2016-cı il tarixlərində Zərdab, Tərtər, Ağcabədi, Ağdam, Füzuli, Goranboy, Tovuz, Samux, Şəmkir və Cəlilabad rayonlarında 378 ev və həyətyanı sahəyə, 2 hərbi hissə, 1 kənd qəbirstanlığı, 1 kənd orta məktəbi, 1 tibb məntəqəsi, 5 ferma, əkin sahələri və 1 çaxır zavodu ərazisinə baxış keçirilib və 1 294 ədəd partlamamış hərbi sursat, 10 ədəd piyada əleyhinə mina (PMN) və 6 ədəd tank əleyhinə mina aşkar olunaraq zərərsizləşdirilib.

    Hazırda Agentlik tərəfindən yaradılmış xüsusi təyinatlı mobil çevik qrupları minaaxtaran itlərin dəstəyi ilə təmas xəttində yerləşən kəndlərdəki evlərlə yanaşı məktəblər və digər obyektlərin yerləşdiyi ərazilərdə əməliyyatları davam etdirir.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi