Ali Məhkəmənin Plenumu İlqar Məmmədovun barəsindəki məhkəmə qərarlarını ləğv edib

Ali Məhkəmənin Plenumu İlqar Məmmədovun barəsindəki məhkəmə qərarlarını ləğv edib Bakı. 2 iyul. REPORT.AZ/ Ali Məhkəmənin Plenumunda REAL Hərəkatının həbsdə olan sədri İlqar Məmmədov barəsində olan məhkəmə qərarından verilən kassasiya şikayətinə baxılıb.
Hadisə
218
2 İyul , 2018 10:51
Ali Məhkəmənin Plenumu İlqar Məmmədovun barəsindəki məhkəmə qərarlarını ləğv edib
Report
0 : 00
0 : 00

Bakı. 2 iyul. REPORT.AZ/ Ali Məhkəmənin Plenumunda REAL Hərəkatının həbsdə olan sədri İlqar Məmmədov barəsində olan məhkəmə qərarından verilən kassasiya şikayətinə baxılıb.

Bu barədə "Report"a Fuad Ağayev məlumat verib.

Onun sözlərinə görə, İ.Məmmədovun barəsində kassasiya və apellyasiya instansiyaları məhkəmələrinin qərarları ləğv edilib.

Qeyd edək ki, İ.Məmmədov və T.Yaqublu 2013-cü il yanvar ayının 24-də İsmayıllıda baş vermiş kütləvi iğtişaşların təşkilində ittiham olunublar. Şəki Ağır Cinayətlər Məhkəməsinin hökmü ilə İ.Məmmədov 7 il, T.Yaqublu isə 5 il müddətinə azadlıqdan məhrum ediliblər. Hökmdən narazı qalan təqsirləndirilən şəxslər apellyasiya şikayəti ilə Şəki Apellyasiya Məhkəməsinə müraciət ediblər. Məhkəmə onların apellyasiya şikayətlərini təmin etməyib. Bundan sonra İ.Məmmədov və T.Yaqublu kassasiya şikayəti veriblər. Ali Məhkəmə kassasiya şikayətinə baxaraq işi təkrar baxılması üçün Şəki Apellyasiya Məhkəməsinə göndərib. Şəki Apellyasiya Məhkəməsi yenidən birinci instansiya məhkəməsinin qərarını qüvvədə saxlayıb. İ.Məmmədov həmin qərardan kassasiya şikayəti verib.

Xatırladaq ki, T.Yaqublu Prezident İlham Əliyevin imzaladığı "Məhkum edilmiş bir sıra şəxslərin əfv olunması haqqında" sərəncamı ilə əfv olunub.

Son xəbərlər

Orphus sistemi