Ağsuda qanunsuz ov edən şəxslər saxlanılıb - FOTO - VİDEO - YENİLƏNİB

Ağsu. 28 yanvar. REPORT.AZ/ Ağsu rayonunda qanunsuz ov edən 3 nəfər saxlanılıb.

"Report"un yerli bürosunun məlumatına görə, saxlanılanlar "Qırmızı kitab"a düşmüş heyvanların ovlanmasında təqsirli bilinirlər.

Belə ki, Ağsu Rayon Polis Şöbəsinin əməkdaşları tərəfindən rayonun Kəndoba kəndinin sakinləri - 1989-cu il təvəllüdlü İbadov Zaur Cəfərxan oğlu, 1988-ci il təvəllüdlü İbadov Qahir Asət oğlu və 1983-cü il təvəllüdlü Məhəmmədli Ramazan Fəxrəddin oğlu qanunsuz ov etdiklərinə görə saxlanılıblar. 

Həmin şəxslər adları "Qırmızı kitab"a düşən quşları ovlayıblar. Saxlanılanlardan 3 ədəd ov tüfəngi götürülüb.  

---

***13:28

Ağsu rayonunda qanunsuz ov edən 3 nəfər saxlanılıb.

"Report"un yerli bürosunun məlumatına görə, saxlanılanlar "Qırmızı kitab"a düşmüş heyvanların ovlanmasında təqsirli bilinirlər.

Qanunsuz ovla məşğul olanlar qoruq ərazisində aşkarlanıblar.