Yuxarı

Ağsu sakini arvadını döyərək yeni doğulmuş körpəni ondan zorla alıb

Bakı. 31 avqust. REPORT.AZ/ Ağsu rayonunda kişi yeni doğulmuş körpəni arvadından alaraq onu evdən qovub.

“Report”un xəbərinə görə, hadisə rayonun Cəlayir kəndində qeydə alınıb. Kənd sakini 28 yaşlı Eldar Əbilov ailə münaqişəsi zəminində həyat yoldaşı 22 yaşlı Zümrüdü döyərək yeni doğulmuş uşağı zorla onun əlindən alıb, özünü də evdən qovub.

Z.Əbilova polislə müraciət edərək körpəsinin ona qaytarılmasını tələb edib.

Ağsu rayon Polis Şöbəsinin əməkdaşları uşağı almaq üçün Eldar Əbilovun yaşadığı evə gedən zaman o, qardaşı Səfər Əbilovla birlikdə polislərə müqavimət göstərib.

Hər iki şəxs polisə aparılıb.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi