Ağstafada zəncirvari yol qəzası baş verib, yaralılar var

Ağstafa. 4 iyul. REPORT.AZ/ Ağstafa rayonunda zəncirvari yol qəzası baş verib.

"Report"un Qərb bürosunun məlumatına görə, hadisə rayon ərazisində Həsənsu yolunda qeydə alınıb. 

Belə ki, üç avtomobil toqquşub. Nəticədə 2 nəfər - 16 yaşlı Eltac Əsgər oğlu Hüseynov və 10 yaşlı Nurlan Azər oğlu Qurbanov müxtəlif dərəcəli bədən xəsarətləri ilə Ağstafa Rayon Mərkəzi Xəstəxanasına yerləşdirilib. 

Faktla bağlı araşdırma aparılır.