Ağstafada tapılan meyitin şəxsiyyəti məlum olub - FOTO - YENİLƏNİB

Ağstafa. 2 dekabr. REPORT.AZ/ Bu gün Ağstafanın Aşağı Göycəli kəndində tapılan naməlum kişi meyitinin şəxsiyyəti müəyyənləşdirilib.

“Report”un Qərb bürosu xəbər verir ki, meyit 1942-ci il təvəllüdlü Qocayev Alı Dövlət oğluna məxsusdur.

Onun meyiti üzərində heç bir zorakılıq əlamətləri aşkar edilməyib.

Ehtimallara görə, o, sərxoş halda olub və həmin ərazidən keçən zaman suya yıxlaraq boğulub.

***19:09

Ağstafa. 2 dekabr. REPORT.AZ/ Polis Ağstafada tapılan meyitin əlamətlərini yayıb.

Bu barədə “Report”un Qərb bürosuna Daxili İşlər Nazirliyi mətbuat xidmətinin Gəncə regional qrupundan məlumat verilib.

Bildirilir ki, dekabrın 2-si, Ağstafa rayonunun Aşağı Göycəli kəndi ərazisində, Ağstafa-Aşağı Göycəli avtomobil yolundan 30 metr kənarda yerləşən su kanalında 65-70 yaşlı üzərində zorakılıq əlamətləri aşkarlanmayan kişi meyiti tapılıb. Meyiti tapılan şəxsin əlamətləri belədir: boyu 179 santimetr, sol əlinin üzərində döymə üsulu ilə “KƏPИM”,“ЯƏСЦ47” , “С.Ə”,“СНГ С.Ə”, “НАГЫ А” hərf və rəqəmləri yazılıb. Tapılarkən əynində boz rəngli kostyum-şalvar, sarımtıl rəngli köynək olub.

Həmin şəxsi tanıyanlardan “102 Zəng Mərkəzi”nə, yaxud, Ağstafa rayon Polis şöbəsinə və yaxud yaxınlıqda yerləşən hüquq mühafizə orqanlarına məlumat vermələri xahiş olunur.