Ağstafada piyadanı vurub qaçan sürücünün məhkəməsi başlayır

Ağstafada piyadanı vurub qaçan sürücünün məhkəməsi başlayır Ağstafada ölümlə nəticələnən yol qəzası törədərək hadisə yerindən qaçan Şadət Bayramovun cinayət işi üzrə ibtidai istintaq başa çatıb.
Hadisə
24 Oktyabr , 2019 14:46
Ağstafada piyadanı vurub qaçan sürücünün məhkəməsi başlayır

Ağstafada ölümlə nəticələnən yol qəzası törədərək hadisə yerindən qaçan Şadət Bayramovun cinayət işi üzrə ibtidai istintaq başa çatıb.

"Report"un xəbərinə görə, cinayət işi baxılması üçün Gəncə Ağır Cinayətlər Məhkəməsinə göndərilib. Hakim Elmin Rüstəmovun icraatında olan iş üzrə hazırlıq iclası yaxın günlərdə keçiriləcək.

Qeyd edək ki, hadisə avqustun 6-da saat 20 radələrində Ağstafa rayonunun Muğanlı kəndi ərazisində baş verib. Kənd sakini Şadət Bayramov sərxoş halda idarə etdiyi, həmkəndlisi Abbas Bağırova məxsus “VAZ 21015” markalı, 05-BG-362 dövlət qeydiyyat nişanlı avtomobillə yolun kənarında olan həmkəndlisi Faiq İbrahimovu vurub hadisə yerindən qaçıb. F.İbrahimov aldığı xəsarətlərdən hadisə yerində vəfat edib.

Hüquq-mühafizə orqanları tərəfindən həyata keçirilmiş təxirəsalınmaz istintaq və əməliyyat-axtarış tədbirləri nəticəsində hadisə yerindən qaçmış sürücü həbs edilib.

Faka bağlı Cinayət Məcəlləsinin 263-1.3 (yol hərəkəti və ya nəqliyyat vasitələrinin istismarı qaydalarını sərxoş halda və ya nəqliyyat vasitələrini idarə etmək hüququ olmayan şəxs tərəfindən pozma ehtiyatsızlıqdan zərərçəkmiş şəxsin ölümünə səbəb olduqda) və 264-cü (yol nəqliyyat hadisəsi yerindən qaçma) maddələri ilə cinayət işi başlanıb.

Son xəbərlər

Orphus sistemi