Ağstafada ölümlə nəticələnən yol qəzası baş verib

Bakı. 3 may. REPORT.AZ/ Ağstafa rayonunda ölümlə nəticələnən yol-nəqliyyat hadisəsi baş verib.

"Report"un məlumatına görə, hadisə mayın 2-də rayonun Qarahəsənli kəndində qeydə alınıb.

Belə ki, Qazax rayon sakini Elbrus Mehdiyev idarə etdiyi "Mercedes" markalı avtomobillə yolu keçən kənd sakini Tofiq Namazovu vurub və nəticədə piyada hadisə yerində ölüb.

Faktla bağlı Ağstafa Rayon Polis Şöbəsində araşdırma aparılır.