Ağstafada avtoqəza olub, 3 nəfər xəsarət alıb

Bakı. 16 oktyabr. REPORT.AZ / Bakı-Qazax avtomagistralının Ağstafa rayonundan keçən hissəsində iki avtomobilin toqquşması nəticəsində 3 nəfər xəsarət alıb.

"Report"un müxbiri xəbər verir ki, "Niva" və "VAZ 21-07" avtomobilləri toqquşub.

Hadisə nəticəsində Qazax rayon sakinləri - 35 yaşlı Anar Şıxlınski, 32 yaşlı Pərviz Yusifov və 27 yaşlı Ağstafa rayon sakini Aqil Böyükişiyev müxtəlif dərəcəli bədən xəsarətləri alaraq rayon Mərkəzi Xəstəxanasına yerləşdiriliblər.

Faktla bağlı araşdırma aparılır.